Newcastle United ikkonfermaw li ffirmaw b’mod uffiċjali lill-attakkant internazzjonali Svediż, Alexander Isak, mingħand Real Sociedad għal £63 miljun.
Huwa se jiffirma kuntratt ta’ ħames snin.
Dan it-trasferiment kiser ir-rekord tal-club ta’ £40 miljun għal Joelinton u Bruno Guimaraes.
Dan il-player ta’ 22 sena se jkun eliġibbli li jagħmel id-debutt tiegħu nhar il-Ħadd kontra Wolves, f’Molineux.
Waqt li tkellem mas-sid uffiċjali ta’ Newcastle, Isak qal: “Ninsab kuntent li ninsab hawnhekk. Kienet deċiżjoni kbira għalija iżda hija deċiżjoni li jien tassew kuntent biha.”