Newcastle United huma interessati li jiffirmaw lill-attakkant ta’ Chelsea, Armando Broja, b’self matul is-suq tat-trasferimenti ta’ dan is-sajf.
Iż-żagħżugħ ta’ 20 sena qatta’ l-istaġun 2021-22 b’self ma’ Southampton, u sab ix-xibka f’disa’ okkażjonijiet fi 38 dehra għas-Saints, minbarra li pprovda assist wieħed.
Broja huwa stmat ħafna minn Chelsea u għad fadallu erba’ snin oħra fil-kuntratt tiegħu fi Stamford Bridge, iżda mhux ċar jekk hux fil-pjani ta’ Thomas Tuchel għall-istaġun li ġej.
