Newcastle United u Everton qed jippjanaw li jidħlu f’taqtiegħa għall-firma tal-attakkant ta’ Bayern Munich, Thomas Muller.
Il-player ta’ 32 sena issa fadallu biss 18-il xahar biex ikompli bil-kuntratt eżistenti maċ-champions tal-Bundesliga, u għad irid jara jekk hux se jestendi l-esperjenza tiegħu fil-Bavarja.
Muller baqa’ parti integrali mit-team ta’ Bayern taħt Julian Nagelsmann u rreġistra disa’ goals u 20 assist f’29 dehra fil-kompetizzjonijiet kollha f’dan l-istaġun.
Madankollu, bil-kuntratt tiegħu se jispiċċa fl-2023, Newcastle u Everton huma t-tnejn interessati fi ftehim għar-rebbieħ tat-Tazza tad-Dinja tal-2014.
Muller jista’ jsibha diffiċli li jingħaqad ma’ club li qed jiġġieled fin-nofs t’isfel tal-klassifika tal-Premier League, madankollu, bl-attakkant jibda l-20 logħba tal-Bundesliga għal-leaders Bayern dan l-istaġun.
L-internazzjonali Ġermaniż b’110 dehra skorja 223 goal u pprovda 238 assist f’610 logħba għal Bayern fil-kampjonati kollha, u f’dak iż-żmien rebaħ 10 titli tal-Bundesliga u żewġ edizzjonijiet taċ-Champions League.
