Hekk kif bħalissa l-attakkant internazzjonali Brażiljan ta’ Paris St Germain Neymar Junior għaddej bi proċess ta’ rijabilitazzjoni minħabba li weġġa’ rkopptu, hu jinsab f’pajjiżu fejn kien preżenti għal-logħba mit-tazza Sudamerikana bejn Santos u Audax Italiano li ntemmet fi draw ta’ 0-0.
Meta kien qed jitkellem ma’ gazzetta Brażiljana, Neymar qal li ħa gost li reġa’ daħal fl-istadium fejn trabba bħala plejer u wiegħed lill-partitarji ta’ Santos li jirritorna ma jdumx ma’ dan it-tim li għalih hu ħajtu.
