Kull bniedem jaspira għas-saħħa u l-benesseri. Persuna waħda taħseb li l-benesseri uman ifisser biss il-benesseri tiegħu, għal persuna oħra huwa hu u l-familja tiegħu, għal persuna oħra huwa hu u n-nazzjon tiegħu, għal persuna oħra huwa hu u d-dinja kollha. Għal xi ħadd ieħor, hija kull forma ta’ ħajja fuq il-pjaneta. Allura m’hemm ħadd li ma jkunx imħasseb dwar il-benesseri tal-bniedem jew il-benesseri ta’ ħajja oħra. L-iskala u l-ambitu biss huma differenti.
Il-benesseri ma jfissirx biss li tiekol tajjeb. Wieħed irid jieħu ħsieb dak kollu li jikkonċerna l-ħajja biex jikseb il-benesseri veru. Hemm xi ħaġa fuq din il-pjaneta li ma tikkonċernax ħajtek? Li jiġri lil din il-pjaneta eventwalment jiġri lilek. Allura meta nitkellmu dwar il-benesseri mhuwiex biss li tieħu ħsieb il-ġisem fiżiku tiegħek. Wieħed irid jieħu ħsieb ukoll id-dinja. Proprju l-Gvern għadu kif ħabbar l-iskema ta’ rifużjoni tal-kontenituri tax-xorb bi ħsieb li tkun is-soluzzjoni minħabba l-problema tal-iskart, minbarra skemi oħrajn diġa eżistenti fosthom li nifiridu l-iskart, l-użu ta’ enerġija rinovabbli u soluzzjonijiet oħrajn għal impatt pożittiv fuq id-dinja tagħna.
Mingħajr ma nieħdu ħsieb l-atmosfera u s-sitwazzjoni ekoloġika ta’ madwarna, kif nistgħu ngħixu tajjeb?
Il-ġisem stess li int huwa biss l-ikel li kilt. L-ikel li kilt ġej mill-art stess li inti toqgħod fuqha. Jekk ma jkunx hemm attività ta’ kumpens fuq l-istess skala kif nisfruttaw dak kollu li nużaw fuq din il-pjaneta, allura qed niktbu r-riċetta għad-diżastru.
Ħafna nies għandhom it-tendenza li jemmnu li r-relazzjoni mill-qrib li għandhom fuq din il-pjaneta hija jew mas-sieħeb tagħhom, jew membru tal-familja, ħabib għażiż jew annimal. Madankollu, jekk taħseb dwarha b’sens aktar profond, tirrealizza li lkoll għandna relazzjoni ħafna aktar profonda mal-pjanti u s-siġar minn kull ħajja oħra. Hemm rabta intima ħafna bejn il-bniedem u l-ħajja tal-pjanti u s-siġar madwarna.
Ir-raġuni hija li s-sistema respiratorja tagħna tiddependi fuq il-ħajja tal-pjanti biex tiffunzjona. In-nifs li nonfħu qed jinġibed mill-pjanti u dak li l-pjanti jonfħu qed noħduh aħna. Nofs is-sistema respiratorja tagħna tinsab fil-ġisem tagħna, filwaqt li n-nofs l-ieħor jinsab fil-pjanti u s-siġar. Jekk wieħed jesperjenza dan konxjament, ikun hemm sens profond ta’ imħabba għad-dinja naturali.
Ladarba titlef il-konnessjoni man-natura, ġismek jitlef bil-mod l-integrità u l-istabbiltà tiegħu.
It-tisħiħ tal-integrità tas-sistema tagħna huwa għalhekk importanti ħafna għall-benesseri tagħna. Il-pjanti huma għalhekk essenzjali biex nibnu sistema immunitarja b’saħħitha. Meta nieħdu n-nifs ta’ ċerti sustanzi mill-pjanti, ġisimna jżid il-livell ta’ ċelloli naturali li huma importanti għas-sistema immunitarja tagħna biex tiġġieled il-viruses.
Meta tibda tesplora t-tifsira li tgħix f’armonija assoluta mad-dinja naturali, naturalment tibda tesperjenza l-ħajja b’mod konxju. Il-pjanti u s-siġar huma fundamentali biex nintegraw magħhom għax għandhom l-għerf li għandna bżonn biex ngħollu l-kuxjenza u l-benesseri tagħna.
Billi nagħmlu għażliet konxji meta niddisinjaw u nibnu d-dinja fiżika tagħna, nistgħu ngħinu biex nerġgħu nsalvaw u nirrestawraw id-dinja naturali u noħolqu futur mill-isbaħ għalina nfusna u għad-dinja. Iktar ma ngħinu lin-natura tirkupra, aktar se tarmonizza u ttejjeb il-benessri tagħna.
