NWAMI International Malta (NIM) ippubblikat ktieb innovattiv ta’ riċetti zero waste immirat għal koki żgħażagħ ta’ bejn 6 u 14-il sena. Il-ktieb, parti mill-inizjattiva Foodwise Families ta’ NIM, joffri riċetti minn madwar id-dinja li jittrasformaw il-fdalijiet tal-ikel f’platti delizzjużi kif ukoll attivitajiet interattivi u pariri dwar is-sostenibbilta’. Il-ktieb fih ukoll taqsima dwar “l-ekonomija għat-tfal”, li tippromwovi lezzjonijiet divertenti u sinifikanti fis-sostenibbiltà.
Ir-riċetti jinkludu kreazzjonijiet ta’ ispirazzjoni flimkien ma’ stejjer ta’ reżiljenza kulturali li jenfasizzaw kif il-familji madwar id-dinja jimmassimizzaw kull ingredjent. Barra minn hekk, dan il-ktieb tat-tisjir fih xogħol artistiku minn studenti żgħażagħ li pparteċipaw f’kompetizzjoni biex jirriflettu s-sbuħija tad-diversità kulturali u tisjir bla skart.
Il-proġett Foodwise Families, appoġġjat mill-APS Bank u l-aġenzija diġitali Hive, kien jinkludi sensiela ta’ workshops tat-tisjir li matulhom familji minn sfondi differenti ingħaqdu flimkien biex jippreparaw ikliet zero waste, bl-użu ta’ pariri u tradizzjonijiet minn madwar id-dinja. Dawn il-workshops huma skedati li jkomplu fl-2025, u jipprovdu opportunità għall-parteċipanti biex jitgħallmu ħiliet ġodda u jikkontribwixxu għat-tnaqqis fil-ħsara ambjentali u klimatika kkawżata mill-ħela tal-ikel.
Dan il-ktieb tar-riċetti ġdid fih ix-xogħol tar-rebbieħ tal-kompetizzjoni tal-arti, Gael Ferraglia Buston ta’ 11-il sena fuq il-qoxra, flimkien max-xogħlijiet ta’ erba’ runners-up, tul il-ktieb. Maria Gabrielle Doublesin, President ta’ NWAMI International Malta, qalet, “Mis-sottomissjonijiet għall-kompetizzjoni tal-arti tagħna jidher ċar li ħafna tfal qed jaħsbu tassew dwar l-impatt tal-ħela tal-ikel u x’jista’ jsir biex jitnaqqas. Prosit ħafna lil Gael u lir-runners-up kollha għax-xogħol kbir tagħhom.”
Jeremy Vassallo, CSR Manager fl-APS Bank, qal, “L-appoġġ tal-proġett Foodwise Families kien importanti għalina peress li mess il-pilastri ewlenin kollha tagħna tas-CSR biex nappoġġjaw il-komunità. Bl-enfasi tiegħu fuq l-edukazzjoni, l-inklużjoni u s-sostenibbiltà, NIM ħolqot inizjattiva li permezz ta’ dan il-ktieb tar-riċetti u avvenimenti oħra li għaddejjin, tista’ tkompli tgħaqqad il-komunitajiet f’Malta flimkien filwaqt li fl-istess ħin tittratta l-kwistjoni importanti tal-ħela tal-ikel”.
Dan il-ktieb tar-riċetti ta’ Foodwise Families zero waste huwa disponibbli b’donazzjoni bid-dħul imur biex jappoġġja proġetti futuri tal-NIM. Għal aktar informazzjoni mur https://nwamiinternational-malta.org/Charity-Shop/foodwise-kids-fun-zero-waste-cooking-adventures-with-recipes-from-across-the-world/
