It-team tan-nisa ta’ Hibernians komplew isaħħu l-iskwadra tagħhom wara li ħabbru l-firma ta’ Nicole Sciberras.
Sciberras ta’ 21 sena hija player internazzjonali tan-nisa ta’ Malta li ilha tilgħab fl-Italja mill-2017.
Hija għamlet isem għaliha wara li qattgħet żewġ staġuni ma’ Juventus bejn l-istaġun 2019/2020 u l-istaġun 2020/2021 li magħhom rebħet it-Tournament ta’ Viareggio fl-2020 ukoll.
Fl-Italja, Sciberras lagħbet ukoll ma’ Grifone Gialloverde (fis-Serie B u fis-Serie C) u ma’ Tavagnacco, matul l-istaġun tas-Serie B li għadda, għal total ta’ 91 logħba fil-football Taljan.
Sciberras, li bdiet il-karriera tagħha f’Malta ma’ Mosta, lagħbet 29 partita internazzjonali mat-team nazzjonali Malti.
