Juventus huma determinati li jegħlbu lil Manchester United bil-firma tal-midfielder ta’ Roma, Nicolo Zaniolo, matul it-tieqa tat-trasferimenti ta’ dan is-sajf.
Il-player ta’ 22 sena għamel 28 dehra mal-club Taljan tiegħu matul l-istaġun 2021-22, u skorja erba’ goals u pprovda ħames assists fil-proċess.
Zaniolo għad fadallu aktar minn sentejn fil-kuntratt tiegħu ma’ Roma, iżda kien hemm għadd ta’ spekulazzjonijiet dwar il-futur tiegħu fl-aħħar ġimgħat.
Rapport riċenti sostna li Manchester United huma ħerqana għall-internazzjonali Taljan, filwaqt li Liverpool u Tottenham Hotspur ukoll ġew ikkreditati b’interess fis-servizzi tiegħu.
Madankollu, huwa mifhum li l-coach ta’ Juventus Massimiliano Allegri qed jagħmel minn kollox biex iġib lil Zaniolo mal-Bianconeri matul it-tieqa tat-trasferimenti ta’ dan is-sajf.
L-aġent tal-midfielder qal lill-Bianconeri li l-klijent tiegħu għad irid ikollu taħdidiet ma’ Roma dwar estensjoni possibbli.
Zaniolo skorja 18-il goal u rreġistra 11-il assist f’97 dehra għat-team ta’ Jose Mourinho minn meta ngħaqad mal-club mingħand Inter f’Lulju tal-2018.
