Minn Cristian Muscat
Kif bdiet l-imħabba tiegħek lejn il-ġinnastika?
Bdejt il-ġinnastika ritmika meta kelli ħames snin u qabel kont qed nitgħallem il-ballet. Fl-istess post sakemm bdew il-lezzjonijiet kien hemm studenti jaghmlu gimnastika u kont immur narahom. Ħabbejt l-isports u ridt nibda nitgħallem.
Ħa mmur mal-ewwel għall-punt. X’tikkummenta fuq l-esperjenza tiegħek fl-aħħar edizzjoni tal-Logħob tal-Pajjiżi ż-Żgħar f’Andorra?
Il-parteċipazzjoni tiegħi fil-Logħob tal-Istati Żgħar tal-Ewropa tal-2025 f’Andorra kienet esperjenza indimentikabbli. Il-kompetizzjoni kontra atleti daqshekk b’ħiliet minn madwar ir-reġjun imbottatni biex nagħti l-almu tiegħi u ispiratni matul l-avveniment kollu.
Ninsab kburija bil-prestazzjoni tiegħi u onorata li rrappreżentajt lil pajjiżi. Kienet ukoll opportunità fantastika biex nikkonnettja ma’ ġinnasti ewlenin u nikseb għarfien mit-tekniċi u l-approċċi tagħhom. L-enerġija u l-appoġġ f’Andorra għamlu l-avveniment tassew speċjali, u l-memorji u t-tagħlimiet li ksibt se jibqgħu miegħi għall-bqija tal-vjaġġ tiegħi fil-ġinnastika.
X’suċċessi maġġuri oħra ksibt fil-karriera tiegħek s’issa bħala ġinnasta, minkejja l-età żgħira tiegħek?
Bħalissa ninsab fl-ogħla postijiet tal-klassifika tal-livell Junior f’Malta.
Kuntenti bir-rebħ tat-tielet post fil-Kampjonati tal-Juniors ta’ stati żgħar fil-Lussemburgu (kienu taħt l-Appoġġ tal-Federazzjoni tal-Lussemburgu u l-Unjoni Ewropea).
Kif tqis il-livell attwali tal-ġinnastika f’pajjiżna?
Qiegħed fi stadju ta’ żvilupp iżda qed isir aktar popolari minn meta bdejt l-isport jien.
U xi ngħidu għar-riżorsi fejn titħarrġu u jkollkom il-kompetizzjonijiet uffiċjali tagħkom?
Ir-riżorsi huma pprovduti mill-klabb, gym tassew tajjeb fil-Kumpless Sportiv ta’ San Alwiġi, iżda sfortunatament huwa post okkupat ħafna bl-isports l-oħra kollha, u t-taħriġ ta’ ġinnasti tal-ogħla livell barra minn Malta jaħdmu sa tmien sigħat kuljum mhux qed nilħqu. Ikolli biss 3.5 sigħat massimu għal kull sessjoni ta’ taħriġ ħames darbiet fil-ġimgħa, u tipprova ssib ġurnata żejda fi tmiem il-ġimgħa meta l-gym ikun disponibbli għall-preparazzjoni tal-kompetizzjoni.
Kif tqis il-mentalità tal-isport f’pajjiżna fil-preżent?
B’mod ġenerali, il-mentalità tal-isport f’pajjiżna qed issir aktar popolari, iżda livell internazzjonali għoli jieħu ħafna impenn fid-dixxiplina, mentalità, u fiżikament ukoll biex ilnaħħqu ma’ livell tajjeb ta’ edukazzjoni.
Aktar eks ġinnasti qed isiru kowċis u minħabba li interess f’dan l-isport qed ikompli jikber, aktar tfajliet iqed jieħdu dan l-isport bis-serjetá u b’impenn, anke bħala pjan ta’ ħidma tal-kowċis.
Kif qed tħares lejn il-futur tiegħek fil-ġinnastika?
Ninsab eċċitata dwar il-futur. L-għan tiegħi huwa li nkompli nittejjeb, nimbotta l-limiti tiegħi, u nittama li nikkompeti f’kompetizzjonijiet internazzjonali akbar. Il-ġinnastika dejjem kienet passjoni, u jien impenjata għax-xogħol iebes li hemm bżonn biex nikber fl-isport. Kemm jekk qed nirfina r-rutini tiegħi, inżid id-diffikultà, jew niżviluppa s-saħħa mentali, jien lesta li nieħu l-passi li jmiss. Fl-aħħar mill-aħħar, irrid nagħmel impatt dejjiemi u forsi nispira atleti iżgħar minn nazzjonijiet żgħar biex jemmnu li jistgħu jirnexxu wkoll f’livelli akbar.
Għaddi messaġġ finali lil kull min qed jasġira li jibda jipprattika l-ġinnastika.
Jekk qed taħseb biex tibda l-ġinnastika, mur għaliha! Huwa sport li jisfidak fiżikament u mentalment, iżda r-riżultati miksuba huma ‘worth it’. Kun paċenzjuż miegħek innifsek—il-progress jieħu ż-żmien, u kull titjib żgħir huwa rebħa. Ibqa’ konsistenti, isma’ lill-kowċis tiegħek, u l-aktar importanti, ħu gost. Il-ġinnastika tgħallmek id-dixxiplina, il-kunfidenza u r-reżiljenza, ħiliet li jmorru lil hinn mill-gym. Kompli timbotta l-limiti tiegħek, afda l-proċess, u gawdi l-vjaġġ!
