Goal tard fil-partita ta’ Maria Farrugia eżattamant fid-90 minuta, ta lil Malta rebħa meritata fuq l-Estonja f’partita ta’ ħbiberija internazzjonali ospitata min-nazzjon Baltiku, nhar il-Ġimgħa.
Il-player ta’ Durham fl-Ingilterra, sabet ir-rokna ta’ fuq tax-xibka b’xutt brillanti bid-dawra biex ikkastigat lill-Estonjani u għenet lil Malta tikseb it-tielet rebħa konsekuttiva taħt il-coach il-ġdida, Manuela Tesse.
Malta fetħet l-iskor fit-73 minuta, permezz ta’ Haley Bugeja li għelbet lill-goalkeeper Estonjana, Kork, b’xutt mix-xellug minn tarf il-kaxxa.
Il-player ta’ Orlando Pride issa laħqet l-ammont ta’ 10 goals għat-tim tal-kbar fi 19-il dehra biss.
Liisa Merisalu kellha xutt bid-dawra minn anglu strett li għeleb lil Janice Xuereb u ġabet id-draw għall-Estonja, fit-88 minuta.
Minkejja dan, Malta kklassifikata fis-87 post irnexxielha tassigura r-rebħa fuq l-Estonja – li hija kklassifikata fil-95 post – biex żammet il-mixja pożittiva taħt il-coach Taljana, Tesse, grazzi għall-ħames goal ta’ Farrugia mat-team nazzjonali, fit-32 dehra tagħha.
Estonja: K. Kork; S. Raamet, K. Himanen, S. Aarna (M. Saulep 36), J. Volkov (G. Daut 89), L. Tammik (K. Saulus 72), K. Rosen, M. Lillemae (L. Merisalu 72), V. Kubassova (E. Treiberg 72), K. Bannikova (G. Saar 72), R. Repkin
Malta: J. Xuereb; A. Said, E. Lipman (S. Farrugia 9), R. Cuschieri, K. Willis (R. Giusti 46), M. Farrugia, S. Zammit, C. Zammit, B. Borg (D. Theuma 65), E. Xuereb (G. Zahra 90), H. Bugeja (R. Bajada 90)
Referee: Lina Lehtovaara
Skorers: H. Bugeja 73, M. Farrugia 90 (M), L. Merisalu 88 (E)
Ammoniti: J. Volkov (E)
