Malta……………..0
Kazakstan……….0
Malta temmet il-konfront tagħha kontra l-Kazakstan fi draw ta’ mingħajr gowls fl-aħħar partita tat-Tieni round tal-Kwalifiki tal-Kampjonat Ewropew tan-Nisa ta’ taħt id-19-il sena tal-UEFA tal-2025.
Il-Każakstan kellhom l-ewwel opportunità ta’ skor fit-tmien minuta, wara li Zhansezim Aissapar kellha x-xutt tagħha salvat faċilment mill-goalkeeper Maltija, Erika Muscat.
Il-Każakstan kellhom ferħa bla temma wara l-mistrieħ, meta Elnura Katran tefgħet il-ballun fix-xibka mill-viċin, iżda kienet iġġudikata li kienet f’pożizzjoni ta’ offside u l-gowl ġie mħassar.
Huma resqu viċin li jiftħu l-iskor fis-60 minuta, hekk kif Nursaya Sultan kellha xutt b’saħħtu minn free-kick mid-distanza, iżda l-isforz tagħha għadda ftit barra.
Malta kellha l-opportunità li tmur fil-vantaġġ fit-80 minuta, meta Ema Micallef għamlet ġirja minn nofs il-grawnd, qabel sabet lil Crista Chetcuti Ganado, iżda x-xutt tagħha ġie salvat minn Assel Anuarbek.
L-ebda naħa ma setgħet issib ix-xibka fl-aħħar stadji tal-logħba, u l-partita spiċċat fi draw ta’ mingħajr goals.
Malta: 1-Erika Muscat, 4-Amber Galea, 6-Ema Micallef, 7-Lara May Azzopardi (11-Nyorah Celeste 86), 8-Amelia Vassallo, (5-Fatma Al Girbi 76), 10-Crista Chetcuti Ganado, 14- Shannen Mallia (18-Shanna S. Farrugia Sacco (9-Nilayza Attard 70), 20-Ylenia Azzopardi, 22-Stella Francalanza Coach: David Attard
Kazakstan: 1-Assel Anuarbek, 2-Zhansezim Aissapar (9-Adina Izimbayeva 59), 3-Azhar Shoketayeva, 5-Aizada Adilbek, 11-Aminat Bigozhina (6-Zhanasaya Bauyrzhan 31), 14- Nursayaya Sultan Adinap, 15-Nursayai (16-Talasbayeva 69), 17-Elnura Katran, 19- Saidakhon Zainutdinova, 20-Anastassiya Pereima Coach: Orynbassar Duarenbekova
Referee: Kristina Kozoroh (Ukrajna)
Ammoniti: Aizada Adilbek, Nursaya Sultan (K), Lara May Azzopardi, Amber Galea, Amelia Vassallo (M)
