F’dawn l-aħħar sigħat, il-familja ta’ Shawn Curmi esprimiet ix-xewqa li għall-funeral ta’ Shawn jintlibsu ħwejjeġ ħfief minflok l-iswed.
Il-funeral se jsir għada, is-Sibt, 11 ta’ Ġunju, fid-9:00 a.m. fil-Knisja Parrokkjali taż-Żejtun. Wara se ssir id-difna fiċ-ċimiterju ta’ San Girgor.
Shawn huwa r-raġel li tilef ħajtu fis-7 ta’ Ġunju li għadda wara li waqa’ minn għoli f’residenza fi Triq id-Dejma fiż-Żejtun.
Il-maħbuba tiegħu, Tessabbelle Camilleri, iddeskrivietu bħala raġel ta’ ispirazzjoni u li kellu qalbu tad-deheb.
