Novak Djokovic ħabbar li mhux se jivvjaġġa lejn New York għall-US Open li jmiss wara li rrifjuta li jitlaqqam kontra l-Covid-19, u b’hekk għamel lilu nnifsu ineliġibbli biex jidħol fil-pajjiż.
“Sfortunatament, mhux se nkun nista’ nivvjaġġa lejn New York din id-darba għall-US Open,” kiteb Djokovic fuq Twitter qabel ittellgħu l-poloz ta’ din il-kompetizzjoni.
“Grazzi #NoleFam tal-messaġġi ta’ mħabba u appoġġ tiegħek. Nixtieq fortuna tajba lill-players sħabi.
“Xorta se nibqa’ nitħarreġ biex inżomm lili nnifsi f’forma tajba u spirtu pożittiv u nistenna b’ħerqa kbira l-opportunitá li jmiss biex nerġa’ nikkompeti,” temm jgħid Djokovic.
