Wara 8 snin fis-servizz, Odin irtira b’mod uffiċjali mill-Korp tal-Pulizija. Odin, Belgian Shepherd, kien kelb leali, ddedikat u parti ntegrali minn tim K9 tal-Pulizija.
Twieled fil-15 ta’ Lulju tal-2013, Odin beda l-vjaġġ tiegħu biex jissieħeb fil-kors mir-Repubblika Ċeka fl-2015. Il-missjoni ewlenija tiegħu kienet li jfittex għal splużżivi u dejjem wettaq xogħol mill-aqwa.
Il-kelb kien miżmum minn PC597, M. Bonello, u t-tnejn li huma kellhom relazzjoni mill-aqwa bejnithom sakemm Odin wasallu ż-żmien li jirtira.
Issa, Odin ġie addottat minn Caritas Malta u se jkun qiegħed jgħix l-irtirat tiegħu fis-sezzjoni tan-nista f’San Blas.
Il-Korp tal-Pulizija sellem lil Odin u rringrazzjah tas-servizz li ta’ lis-soċjetà Maltija.
