B’sitt iħwienet ta’ Caffè Pascucci mifruxa madwar iż-Żona tal-Port il-Kbir, il-Grupp Dizz issa kiseb status ta’ master franchise mis-sidien tal-marka popolari tal-ħwienet tal-kafè Caffè Pascucci, li beda f’Rimini, l-Italja.
Kif spjega Philip Galea, Dizz Group Business Development Manager, il-pass li jmiss huwa li jistiednu lis-sidien eżistenti jew prospettivi tal-ħwienet tal-kafè biex isiru sub-franchisees ta’ Caffè Pascucci.
“Il-Grupp Dizz għandu formula ppruvata u ttestjata b’Caffè Pascucci, bi ħwienet f’BayStreet, fil-Bajja ta’ San Ġorġ; Il-Mall f’Tigné Point, Tas-Sliema; Centerparc, Ħal Qormi; apparti minn ħwienet f’Paceville, Santa Venera u l-Gżira.”
Is-sub-franchises prospettivi se jkunu assistiti fit-tfassil ta’ pjan ta’ negozju u, ladarba jiġu abbord, jiġu pprovduti bid-disinn, it-tqassim u l-kunċett tal-ħanut meħtieġ adattati għalihom. Ladarba dan jiġi varat, l-impjegati se jiġi mħarrġa skont standards internazzjonali u s-sidien se jkunu assistiti fl-implimentazzjoni u l-eżekuzzjoni.
“Dan huwa kunċett plug-and-play, bil-Grupp Dizz iforni l-magni tal-kafè, il-kafè mhux mitħun, xorb, ħelu, uniformijiet u l-ippakkjar kollu,” żied jgħid is-Sur Galea.
Il-kafè ta’ Caffè Pascucci ġie vvutat wieħed mill-aqwa tliet kafejiet fl-Italja. Il-popolarità tat-taħlitiet ta’ Caffè Pascucci estendiet għal Malta, bil-Maltin jivvutaw bl-istess mod il-kafè tagħhom wieħed mill-aqwa lokalment.
Imwaqqfa fl-2001, il-franchise Caffè Pascucci nfirxet għal 40 ħanut fl-Italja u total ta’ 650 madwar id-dinja, il-maġġoranza fl-Asja, minbarra l-Istati Uniti.
