Il-problema li setgħet inħolqitlu l-Kumitat Olimpiku Internazzjonali li ma jagħmilx il-premjazzjoni tal-midalji tal-Women’s Single Skating, Free Skating, ġiet solvuta meta l-iskater Russa, Kamila Valieva, li tinsab mdaħħla fi skandlu tad-doping, spiċċat fir-raba’ post.
Il-midalji tad-deheb u tal-fidda marru għand atleti minn pajjiżha, Anna Shcherbokova b’total ta’ 255.95 punti, u Alexandra Trusova, 251.73 waqt li l-bronż marret għand il-Ġappuniża, Kaori Sakamoto, 233.13. It-total ta’ Valieva kien ta’ 224.09 punti.
