Omm ta’ 38 sena residenti San Ġiljan mietet traġikament wara li għal xi raġuni spiċċat mgħaffġa taħt il-karozza tagħha stess.
L-inċident seħħ għall-ħabta tal-5.30pm fi Triq L-Arċisqof Romero, ftit ’il barra minn Triq Birkirkara.
Il-kelliem għall-Pulizija Brandon Pisani qalu li sakemm waslu fuq il-post it-timijiet mediċi u anke l-pulizija, il-mara kienet diġà bla ħajja.
Jidher li wara l-vittma ħarġet mill-vettura, għal xi raġuni l-istess vettura mxiet b’lura u hi nqabdet taħt tagħha.
Jirriżulta li magħha fil-karozza kien hemm it-tifla tagħha ta’ 6 snin.
Dwar dan il-każ se tkun qiegħda tinfetaħ inkjesta biex jiġu stabbiliti l-fatti kollha.
