Il-fornitur tal-enerġija Russu RAO Nordic ħabbar li se jkun qiegħed jissospendi l-konsenji tal-elettriku lejn il-Finlandja mis-Sibt.
Fost ir-raġunijiet għal dan, il-kumpanija qalet li ma kinitx tħallset ta’ konsenji preċedenti.
L-operatur Finlandiż qal li r-Russja tipprovdi biss persentaġġ żgħir tal-elettriku tal-pajjiż u li dan jista’ jiġi sostitwit minn sorsi alternattivi.
Nhar il-Ħamis, ir-Russja heddet li tieħu “passi ta’ ritaljazzjoni” wara li l-Finlandja qalet li qed tippjana li tissieħeb fin-Nato.
Il-Finlandja taqsam fruntiera ta’ 1,300 km (810 mil) mar-Russja, u preċedentement baqgħet barra min-NATO biex tevita li tfixkel lill-ġar tagħha tal-Lvant. Madankollu, mill-invażjoni tar-Russja fl-Ukrajna kien hemm żieda qawwija fl-appoġġ pubbliku għas-sħubija fin-Nato.
Nhar il-Ħadd il-Finlandja mistennija tħabbar formalment il-pjan tagħha biex tissieħeb.
Id-deċiżjoni ta’ Rao Nordic ma ġietx marbuta b’mod espliċitu mad-deċiżjoni tal-Finlandja.
