Ilbieraħ waranofsinhar membri tal-Protezzjoni Ċivili ta’ Malta intalbu sabiex jassistu f’Tas-Sliema hekk kif kien hemm żagħżugħ li sab xi diffikultà waqt li kien qed jgħum.
Iż-żagħżugħ ġie assistit mit-tim tas-CPD, ittrasportat permezz tad-dgħajsa tal-Protezzjoni Ċivili u ngħata kura fuq il-post mid-Dipartiment tal-Emerġenza tal-Isptar Mater Dei, sakemm ittieħed l-Isptar Mater Dei għal aktar kura meħtieġa.
Il-Protezzjoni Ċivili ta’ Malta irringrazzjat lil Malta Red Cross u lid-Dipartiment tal-Emerġenza tal-Isptar Mater Dei għall-assistenza tagħhom matul l-operazzjoni.