Il-Ministru għall-Edukazzjoni u x-Xogħol Owen Bonnici qal fil-Parlament li mindu fetħu l-iskejjel huma tliet kwarti tat-tfal li jattendu l-iskejjel.
Huwa irrimarka dan waqt li kien qed iwieġeb mistoqsijiet parlamentari b’rabta mal-ftuħ tas-sena skolastika fl-isfond tal-Covid19.
Bonnici semma kif tfal li għandhom ċertifikat ta’ tabib li huma vulnerabbli jistgħu jattendu skola virtwali li nfetħet bil-koperazzjoni tal-MUT.
Huwa rrefera għall-50 miżura li ddaħħlu fl-iskejjel biex iħarsu lill-istudenti u l-għalliema u semma kif il-Gvern investa €26 miljun f’dan ir-rigward.
