Pajjiżna llum għandu l-inqas rata ta’ serq li qatt kellu. Malta kellha l-inqas rata ta’ serq is-sena li għaddiet, liema rata hi iktar sinifikattiva meta wieħed iħares lejn iż-żieda fl-attività ekonomika u t-turiżmu.
Dan iddikjarah il-Ministru għall-Intern, is-Sigurtà u x-Xogħol Byron Camilleri fil-Parlament meta kien qed iwieġeb mistoqsija Parlamentari li saritlu mid-Deputat Nazzjonalista Ivan Bartolo. Il-Ministru Camilleri irrimarka li jekk wieħed iqabbel is-sena li għaddiet mas-sena 2012 jara r-rata ta’ serq f’pajjiżna naqset bin-nofs.
Tenna jgħid; “Dan ma jfissirx li nistgħu nistrieħu fuq il-ħidma li saret, anke għaliex illum jeżistu realtajiet ġodda li rridu nindirizzaw bi strateġiji ċari fuq quddiem nett dawk ta’ prevenzjoni”.