Il-midfielder Portugiż Joao Palhinha sa fl-aħħar temm kull spekulazzjoni li kien se jingħaqad ma’ Bayern Munich meta ffirma kuntratt ġdid ma’ Fulham.
Palhinha għandu 28 sena u ngħaqad mat-tim Ingliż fil-bidu tal-istaġun li għadda fejn skorja erba’ gowls f’37 partita.
F’kumment li ta fuq il-midja soċjali, Palhinha qal li Fulham hu klabb għal qalbu u minkejja li Bayern Munich fittxewh fuq li fittxewh, hu għandu prinċipji sodi li jmorru lil hinn mill-flus.
