Palmeiras huma ferm viċin li jirbħu l-kampjonat Brażiljan hekk kif fadal erba’ logħbiet għat-tmiem l-istaġun. Ir-rebħa li kellhom kontra Athletico PR barra minn darhom bl-iskor ta’ 3-1 tat indikazzjoni li t-titlu se jispiċċa fil-belt ta’ Sao Paulo.
Fil-partita li ntlagħbet matul il-lejl li għadda, kienu Athletico-PR li marru fil-vantaġġ permezz ta’ Matheus Felipe sabiex fit-tieni taqsima, Palmeiras dawru l-iskor favurihom grazzi għall-gowls ta’ Gustavo Scarpa, Endrick Felipe u Gustavo Gomez.
Fil-klassifika ġenerali Palmeiras għandhom 74 punt u qed igawdu minn 13-il punt vantaġġ fuq l-eqreb rivali Flamengo.
