Fi tmiem il-ġimgħa li għaddiet beda l-istaġun tal-Equipe Summer League bis-Super Cup bejn Leġġendarji AFC u Panatinaikos FC. Kienu dawn tal-aħħar li rebħu 9-8 f’logħba ferm emozzjonanti u inċerta sal-aħħar.
Oliveira Santos Silva kien awtur ta’ erba’ gowls waqt li Alessio Restuccia skorja doppjetta. Davide Martini, Lio Esso Jr u Zvezdan Vukovic skorjaw il-gowls l-oħra għal Panatinaikos.
Leġġendarji baqgħu fil-logħba b’Matthew Pace li skorja erba’ gowls filwaqt li Dormond Micallef, Jacob Micallef u Ayrton Mizzi wkoll niżżlu isimhom fil-lista tal-iskorers.
Leġġendarji AFC: Alejandro Melero, Malcolm Cassar, Zvezdan Vukovic, Alessio Restuccia, Oliveira Santos Wallace, Davide Martini, Tareq Al Makki, Lio Esso Jr.
Panatinaikos FC: Dorian Mifsud, Luc Fiorini, Jacob Micallef, Ayrton Mizzi, Matthew Pace, Dormond Micallef, Dylan Mercieca, Neil Farrugia.
Sadanittant l-Equipe Summer League ikompli matul ix-xahar ta’ Ġunju fejn se tintlagħab il-fażi tal-gruppi. Ġie kkonfermat li 24 tim se jieħdu sehem f’din il-kompetizzjoni u se jkunu maqsuma f’żewġ gruppi.
Hekk kif tintemm l-ewwel fażi, it-timijiet jinqasmu fi tliet kategoriji sabiex imbagħad tintlagħab il-fażi eliminatorja bil-finali li hi skedata li ssir fis-6 ta’ Settembru li ġej. Il-logħbiet kollha se jintlagħbu fil-grawnd tal-Għargħur fuq bażi 5-a-side.
