Iż-żewġ plejers Maltin tal-Para Darts Bradley Zerafa u Joseph Martin ħadu sehem f’turnament internazzjonali li sar fid-Danimarka.
Kemm Zerafa li ħa sehem fil-wheelchair para-darts kif ukoll Martin li pparteċipa fl-istanding para-darts kienu fl-azzjoni fis-Sogaard Open.
Huma fetħu l-impenji tagħhom fid-doubles warm-up fejn irnexxielhom jaslu sal-aħħar 128 b’Zerafa li lagħab ukoll kontra Torben Sorensen tad-Danimarka u tilef 3-1.
Joseph Martin għadda għall-fażi tal-aħħar sittax fejn ġie eliminat minn Ralf Huesmann bl-istess skor ta’ 3-1.
F’kompetizzjoni oħra, din id-darba d-Denmark Masters, Joseph Martin rebaħ l-ewwel logħba tieħgu kontra Fleming Fox 3-1 għalkemm kellu jbaxxi rasu għall-qawwa ta’ Michael Callaghan fil-fażi tal-aħħar tmienja. Dan tal-aħħar spiċċa rebaħ ukoll din il-kompetizzjoni.
Anke Zerafa lagħab fil-Masters hekk kif rebaħ l-ewwel logħba kontra d-Daniż Frank Hansen 3-1 għalkemm tilef il-logħba ta’ wara kontra Jurgen Vercammen.
Joseph Martin ilu jikkompeti fil-para darts internazzjonali bi Bradley Zerafa li minkejja l-esperjenza qasira f’dan l-isport, diġa’ kiseb suċċess meta f’Marzu li għadda rebaħ l-Open ta’ Budapest.
