Paris Saint-Germain esprimew interess fid-difensur ta’ Chelsea, Antonio Rudiger.
Il-player ta’ 28 sena bbenefika bil-kbir mill-ħatra ta’ Thomas Tuchel bħala manager u lagħab kull minuta fil-bidu qawwi ta’ Chelsea għall-istaġun 2021-22.
Rudiger qabel tkellem dwar iċ-ċansijiet tiegħu li jiffirma kuntratt ġdid ma’ Chelsea, iżda l-ftehim attwali tiegħu għandu jiskadi fi żmien inqas minn 12-il xahar, u huwa rrappurtat li għadu ma jaqbilx dwar it-termini dwar l-estensjoni tal-kuntratt tiegħu.
Bħala riżultat, PSG qed iżommu ħarsithom mill-qrib fuq is-sitwazzjoni bil-għan li jiffirmaw lill-internazzjonali Ġermaniż bħala free agent fis-sajf tal-2022.
It-team ta’ Mauricio Pochettino għamel numru ta’ akkwisti ta’ free agents ta’ profil għoli fl-aktar tieqa tat-trasferimenti riċenti, billi ffirma lil Lionel Messi, Sergio Ramos, Gianluigi Donnarumma u Georginio Wijnaldum kollha bi free transfer.
Rudiger għandu total ta’ 153 dehra ma’ Chelsea sa minn meta ngħaqad magħhom fis-sajf tal-2017, meta rebaħ iċ-Champions League, l-Europa League u l-FA Cup matul iż-żmien tiegħu fi Stamford Bridge.
