Paris Saint-Germain laqgħu lil Lionel Messi lura fl-iskwadra għall-partita miċ-Champions League tat-Tlieta kontra RB Leipzig.
Is-sitt darbiet rebbieħ tal-Ballun tad-Deheb kien wasal tard lura mill-impenji internazzjonali mal-Arġentina u ma ħax sehem fir-rebħa ta’ 2-1 tat-team tiegħu fil- Ligue 1 fuq Angers il-Ġimgħa filgħaxija.
Madankollu, Messi għamel ritorn fl-iskwadra tal-Pariġini għaż-żjara ta’ Leipzig, għalkemm sieħbu mill-Amerika t’Isfel Neymar jinsab barra b’injury fil-groin.
Sergio Ramos irid ukoll jistenna ftit itwal biex jiddebutta ma’ PSG minħabba problema fil-pexxul, filwaqt li Leandro Paredes ġie eskluż għall-ġimgħat li ġejjin bi kwistjoni fil-koxxa.
Hemm spazju fl-iskwadra għal Keylor Navas minkejja tħassib inizjali dwar l-injury, madankollu, filwaqt li Mauro Icardi għamilha wkoll fl-iskwadra, anke jekk l-attakkant tilef it-taħriġ fi tmiem il-ġimgħa fost kontroversja fuq il-media soċjali rigward martu u l-aġent tiegħu, Wanda Nara.
