Il-kowċ ta’ Paris St Germain Luis Enrique reġa’ daħħal fl-iskwadra lid-difensur Senegaliż Abdou Diallo iżda mhux lil Kylian Mbappe li għadu miksur mal-klabb.
Il-plejer ta’ 27 sena kien mal-plejers li mistennija jitilqu lill-klabb matul dan l-istaġun, iżda Enrique ta ċans lil Diallo sabiex jippruvah fid-difiża flimkien ma’ Lucas Hernandez.
Minkejja kollox, hemm xnigħat li xorta waħda Diallo jista’ jitlaq lit-tim mill-belt kapitali Franċiża minħabba li Real Betis u Al Arabi tal-Qatar jinsabu interessati fih.