Paris St-Germain jinsabu viċin ir-rekord tal-11-il titlu ta’ Ligue 1 wara li Kylian Mbappe kiseb doppjetta rebbieħa biex għelbu lil Auxerre 2-1 barra minn darhom.
Iċ-champions renjanti, PSG, jinsabu sitt punti fuq Lens li jinsabu fit-tieni post – li għandhom ukoll differenza ta’ goals inferjuri – u jeħtieġu punt wieħed biss mill-aħħar żewġ logħbiet biex jiggarantixxu t-titlu.
L-aqwa skorer Mbappe (6 u 8) skorja darbtejn fil-bidu tal-logħba waqt li Lassine Sinayoko (51) wieġeb għal Auxerre, li għadhom fl-inkwiet għar-relegazzjoni.
Ir-rebħa tfisser li PSG ta’ Christophe Galtier jakkwistaw it-titlu jekk is-Sibt li ġej jevitaw telfa kontra Racing Strasbourg.
Mbappe, 24 sena, skorja 40 goal u kkontribwixxa disa’ assists f’41 logħba dan l-istaġun – inklużi 33 involviment ta’ goals fi 32 partita ta’ Ligue 1.
