Għal dawn l-aħħar sebgħa xhur ġewwa l-appartamenti ta’ Puttinu Cares f’Sutton, kienu għaddejjin xogħlijiet ta’ rinovazzjoni li jinkludu fil-kċejjen, f’salotti, fis-soqfa u fil-kmamar tal-banju.
Ħabbar dan Puttinu Cares f’messaġġ fuq il-midja soċjali, fejn ingħad li l-ħidma qed issir bil-għan li l-pazjenti u l-familjari tagħhom jkollhom dar li tixraqilhom, speċjalment meta jkunu għaddejjin minn mument diffiċli minħabba l-mard.
Huma temmew il-messaġġ tagħhom billi rringrazzjaw lill-poplu għas-sapport u l-imħabba li qed juru lejn Puttinu u lejn il-pazjenti permezz tad-donazzjonijiet.
