Cristiano Ronaldo skorja żewġ goals fl-ewwel logħba tiegħu fl-Arabja Sawdija u Lionel Messi kien ukoll fuq il-lista tal-iskorers hekk kif Paris St-Germain għelbu lil Riyadh All-Star XI 5-4 f’partita ta’ ħbiberija.
Dan il-konfront fil-kapitali Sawdija ra tnejn mill-aqwa players ta’ kull żmien jilagħbu kontra xulxin li possibbilment din kienet l-aħħar darba li ffaċċjaw lil xulxin.
Kien Messi li fetaħ l-iskor wara tliet minuti filwaqt li Ronaldo skorja ż-żewġ goals tiegħu fl-34 minuta minn penalty u eżatt qabel tmiem l-ewwel taqsima.
Iż-żewġ plejers ġew sostitwiti eżatt wara s-siegħa logħob.
It-team Franċiż lagħab ħafna mill-logħba b’10 players hekk kif Juan Bernat irċieva karta ħamra diretta talli waqqa’ lill-internazzjonali Sawdi, Salem Al Dawsari, filwaqt li Neymar falla wkoll penalty fl-ewwel taqsima.
Il-goals l-oħra ġew skorjati minn Marquinhos (43), Sergio Ramos (53) Kylian Mbappe (60 pen) u Hugo Ekitike (78).
Għat-team Sawdi, l-iskorers kienu Jang Hyun-soo (56) u Talisca (94).
