Raġel ta’ 26 sena min-Nepal sofra ġrieħi gravi f’inċident tat-traffiku f’Birkirkara. L-inċident seħħ għall-ħabta tal-4.30 a.m. fi Triq Fleur De Lys.
Mill-ewwel investigazzjonijiet tal-Pulizija jirriżulta li xufier ta’ vettura tat-tip Mazda Demio, raġel ta’ 24 sena min-Nepal, tilef il-kontroll tal-karozza u ħabat f’ħanut tal-ġojjellerija.
Mas-sewwieq kien hemm żewġ passiġġieri oħrajn, b’wieħed minnhom jittieħed l-isptar għall-kura fejn aktar tard ġie ċċertifikat li sofra ġrieħi gravi.
L-investigazzjonijiet tal-Pulizija għadhom għaddejjin.
