Patri Mario Attard, kontributur regolari fil-ġurnal It-Torċa, ilbieraħ iċċelebbra l-31 sena minn meta ngħaqad mal-komunità tal-Kapuċċini. Patri Mario hu magħruf sew għax-xogħol kbir li jwettaq l-aktar fost il-modra bil-kanċer u l-imħabba li għandu għal dawk kollha li jinsabu fil-bżonn.
Hu stess, fuq il-paġna tiegħu ta’ Facebook kiteb poeżija biex ifakkar il-31 sena anniversarju minn meta daħal fil-kunvent bħala patri Kapuċċin
Wieħed u tletin sena ilu (poezija)
Wieħed u tletin sena
Int Mulej daħħaltni mal-Kapuċċini,
F’dil-mixja hekk twila u kollha mżewqa
Bit-tlugħ, b’inżul, bħal xini.
Hekk kelli nbaħħar f’baħar
Bil-bosta kbir, emmnuni jien ma nkejlux,
Baħar inċanat b’kull xorta ta’ ħlejjaq
Dan kollu ma niftakrux.
Imma ħaġa niftakar
‘L-Mulej lili tassew ma ħallieni qatt,
Għax anki meta r-riħ nefaħ bil-kontra
Lilu sibt minn fost kulħadd.
Għalhekk illum qed nifraħ
Għal tjubietu li dejjem baqgħet miegħi,
U jiġu kemm jiġu nies ġewwa ħajti
Imħabbtu biss hi tiegħi.
Infaħħru kemm farraġni
Meta ħaddieħor qagħad jitfagħli l-ġebel,
Imma għeb qisu qatt m’għadu jeżiżti
Imħabbet Ġesù ħemel.
Illum wara bosta snin
Kemm nifraħ bik għax lilek sibt O Ġesù,
Fejn tidħol int ma jidħolx le kull bniedem
Inti tfejjaqni bil-virtù.
Li joħorġu minn qalbek
U jinfduli b’qawwithom ‘l qalbi ċkejkna,
Ġesù, il-Ħniena Divina u bla qjies tiegħek
Hi ħajjitna msejkna.
F’dal-jum miegħek se nifraħ
Kulħadd idabbar rasu, tibqa’ int biss,
U biex turini kemm tassew int tħobbi
U tgħannaqni kif imiss.
Tagħtini lill-Marija
L-għażiża Ommok li int tajtni b’Ommi,
Meta nintefa’ dirgħajha ħanina
Tbissima jfaqqa’ fommi.
Magħkom jien niċċelebra
Dan l-anniversarju, lilkom ħa jqimu,
L-art, is-sema w l-istorja ċkejkna tiegħi
Wieħed w tletin sena ilu.
