Diversi siti Taljani kkonfermaw li l-midfielder offensiv Franċiż, Paul Pogba, mistenni jirritorna għal-logħob lejn l-aħħar ta’ Jannar li ġej.
Pogba, li reġa’ ġie akkwistat minn Juventus fil-bidu ta’ dan l-istaġun weġġa’ wara ftit ġimgħat u għadu m’għamilx id-debutt tiegħu staġjonali.
F’dawn l-aħħar jiem, hu kien f’Miami għall-btajjel għalkemm xorta baqa’ jsegwi pjan ta’ rijabilitazzjoni li tah il-club.
Sadanittant meta mistoqsi dwar l-irkupru fiżiku tal-player Franċiż, it-tabib ta’ Juventus qal li wieħed irid jara kif se jirreaġixxi l-player għas-sessjonijiet ta’ taħriġ li mistennija jibdew fiż-żmien mhux daqstant ‘il bogħod.
