Il-midfielder ta’ Manchester United, Paul Pogba, qed ‘juri sinjali’ li jrid jiffirma kuntratt ġdid mar-Red Devils.
Il-ftehim attwali tal-internazzjonali Franċiż f’Old Trafford għandu jiskadi fl-aħħar ta’ Ġunju, li jfisser li se jkun qed iħalli lill-club bi free transfer għat-tieni darba fis-sajf li ġej.
Pogba beda l-aħħar tliet logħbiet ta’ Manchester United minn mindu rritorna minn injury fil-hamstring, madankollu, u skorja l-ewwel goal tiegħu tal-istaġun kontra Burnley fil-Premier League matul il-ġimgħa li għaddiet.
Huwa mifhum li l-midfielder issa qed ‘juri sinjali’ li jrid jimpenja l-futur tiegħu mar-Red Devils billi jiffirma kuntratt ġdid.
Real Madrid u Juventus għadhom marbutin b’mod qawwi mal-player ta’ 28 sena, iżda ż-żewġ clubs qed jitħabtu biex jaqblu mal-pagi li Manchester United allegatament lesti joffrulu.
Pogba lagħab id-90 minuta sħaħ kontra Southampton is-Sibt wara nofsinhar f’Old Trafford, bil-konfront jintemm fi draw ta’ 1-1.
