L-aħħar dehra ta’ Paul Pogba ma’ Manchester United se tkun l-ewwel 10 minuti li lagħab fil-konfront tal-Premier League kontra Liverpool fid-19 ta’ April li għadda.
L-internazzjonali Franċiż ilu ma jidher għar-Red Devils mindu ħareġ izappap fit-telfa ta’ 4-0 li sofra t-team tiegħu kontra t-team immexxi minn Jurgen Klopp f’Anfield f’nofs ix-xahar li għadda.
Kien hemm suġġerimenti li l-midfielder jista’ jkun disponibbli kontra Crystal Palace il-Ħadd wara nofsinhar, hekk kif żied l-irkupru tiegħu minn injury fil-pexxul matul l-aħħar ġimgħat, iżda issa huwa mifhum li sfortunatament għalih, dan mhux se jkun il-każ.
