Paul Pogba wera l-biżgħa u t-tħassib tiegħu billi stqarr li qed jiġi mhedded minn grupp ta’ kriminalitá organizzata.
Il-midfielder ta’ Juventus u Franza ħareġ stqarrija permezz tal-avukati tiegħu fejn sostna li l-każ kien irrappurtat lill-awtoritajiet fejn il-pulizija fetħet investigazzjoni minnufih.
Fil-jiem li għaddew, ħu Pogba, Mathias, poġġa filmati fuq il-media soċjali fejn jwiegħed li jippubblika “rivelazzjonijiet kbar” kontra Paul Pogba.
Mathias innfisu qal li din l-informazzjoni x’aktarx se tkun “missila” mingħajr ma ta aktar dettalji.
L-istqarrija kompliet tgħid li:
“Il-korpi kompetenti fl-Italja u Franza ġew infurmati xahar ilu u mhux se jkun hemm aktar kummenti fir-rigward tal-investigazzjoni li għaddejja.”
Fil-filmati tiegħu, Matthias Pogba qal li d-“dinja kollha, kif ukoll il-partitarji ta’ ħuh, u aktar u aktar dawk tat-team Franċiż u ta’ Juventus, jimmeritahom ikunu jafu ċerti affarijiet.
Huwa sostna wkoll li r-rivelazzjonijiet se jinvolvu wkoll lill-aġent ta’ Pogba, Rafaela Pimenta.
Pogba, f’dan is-sajf ingħaqad ma’ Juventus mingħand Manchester United bħala player ħieles.
