Sar magħruf li l-plejer Arġentin Paulo Dybala se jibqa’ ma’ Roma u se jkun qed jiffirma kuntratt ġdid fil-belt kapitali Taljana. Dan kollu seħħ wara li fl-aħħar jiem hu kien qed jaħsibha jitlaqx lil Giallorossi. Minkejja kollox, kien hemm laqgħa bejnu u bejn id-diriġenti tal-klabb u l-idea hu li jibqa’ mat-tim.
Wara li lagħab ma’ Palermo u Juventus, Dybala ngħaqad ma’ Roma fis-sena 2022 fejn skorja 30 gowl fi 68 logħba.
