Il-player żagħżugħ ta’ Barcelona, Pedri, jista’ jitlef il-kumplament tal-istaġun minħabba l-injury fil-hamstring li sofra waqt it-tieni leg tal-kwarti tal-finali tal-Europa League tal-Ħamis kontra Eintracht Frankfurt.
Il-player internazzjonali ta’ Spanja kellu jiġi sostitwit fil-mistrieħ tat-telfa ta’ 3-2 tat-team tiegħu wara li sofra l-injury.
Barcelona issa żvelaw li ż-żagħżugħ ta’ 19-il sena għandu ‘ksur fil-biceps femoris tax-xellug tiegħu’, li jagħmilha improbabbli ħafna li se jkun jista’ jerġa’ jilgħab matul l-istaġun 2021-22.
Il-midfielder, li mistenni jkun barra mill-azzjoni għal mill-inqas xahrejn, reġa’ kien player ewlieni għal Barcelona dan l-istaġun meta kien disponibbli, fejn għamel 22 dehra fil-kompetizzjonijiet kollha, skorja ħames goals u pprovda assist wieħed.
Pedri kien nieqes għal ħafna mill-ewwel nofs ta’ dan l-istaġun minħabba injury fil-hamstring, madankollu, u eventwalment għamel ir-ritorn tiegħu fl-aħħar ta’ Jannar.
Barcelona se jilqgħu kontra Cadiz, Real Sociedad, Rayo Vallecano, Mallorca, Real Betis, Celta Vigo, Getafe u Villarreal fl-aħħar tmien logħbiet tagħhom tal-kampjonat.
