Id-difensur ta’ Manchester City, Pedro Porro, jinsab ferm viċin li jingħaqad ma’ Sporting Lisbon bi trasferiment permanenti.
Iż-żagħżugħ ta’ 22 sena qatta’ l-aħħar żewġ staġuni b’self maċ-champions Portugiżi u impressjona b’erba’ goals u seba’ assists fi 28 partita fl-istaġun 2021-22.
Porro fforma wkoll parti integrali mit-team ta’ Sporting li rebaħ it-titlu fl-istaġun 2020-21, għalkemm huwa mistenni jirritorna fl-Etihad Stadium meta jintemm l-istaġun attwali.
Madankollu, Sporting għandhom għażla li jiffirmaw lill-Ispanjol b’mod permanenti għal €8.5m, u huwa mifhum li l-ġganti Portugiżi huma lesti li jagħtu bidu għal din il-klawsola.
Jidher li Sporting mhux se jkollhom jistennew sal-aħħar tal-istaġun biex jagħmlu dan, u b’riżultat ta’ dan huma ottimisti ħafna dwar iċ-ċansijiet tagħhom li jtemmu ftehim fil-ġimgħat li ġejjin.
Għalhekk Porro qed jipprepara biex iħalli lil Man City wara li m’għamel ebda dehra waħda mal-club mill-wasla tiegħu għas-somma ta’ £10 miljun mingħand Girona fl-2019, bid-difensur ukoll jiġi misluf lil Real Valladolid ftit wara li ngħaqad mat-team immexxi minn Pep Guardiola.
