Real Madrid qed isegwu l-progress tal-winger ta’ Tottenham Hotspur Pedro Porro. Dan tal-aħħar xejn ma jinsab kuntent mat-tim minn Londra speċjalment wara li tkeċċa l-kowċ Antonio Conte li tant kien juri fiduċja fih. Biex l-affarijiet ikomplu jiġu agħar telaq ukoll id-direttur Fabio Paratici li kien akkwistah mingħand Sporting Lisbon fil-bidu ta’ dan l-istaġun.
B’hekk Porro lest li jibda avventura ġdida fil-belt kapitali Spanjola b’Real Madrid li jistgħu jakkwistawh sabiex ikun is-suċċessur ta’ Dani Carvajal f’xi mumenti tal-istaġun.
