Floriana……………..1
Santa Lucia…………0
Kellu jkun penalty tard fil-partita mogħti minn Oualid El Hasni eżattament fil-81 minuta li ta tliet punti prezzjużi ll Floriana meta huma għelbu lil Santa Lucia bl-iskor minimu ta’ 1-0, f’partita li iżda huma biex ħarġu rebbieħa, kellhom jitħabtu.
Ta’ nota huwa l-fatt li għal Santa Lucia ddebutta fuq il-bank, il-coach Taljan Enzo Potenza li b’hekk kien qed jaffronta lill-ex team tiegħu, Floriana, fejn magħhom rebaħ ukoll il-kampjonat.
Kienu Floriana li ħolqu l-ewwel periklu fit-tmien minuta meta wara li rċieva minn cross ta’ Kemar Reid, Aleandro Garzia minn pożizzjoni ideali tefa’ għoli
Huma komplew fuq l-offensiva u fis-27 minuta Garzia twaqqa’ minn Yoel Lorezno Fonseca Soares fil-kaxxa iżda r-referee Slobodan Petrovic ħalla l-logħob għaddej.
Kulma jmur kompla d-dominju assolut tal-Greens u fis-36 minuta, Lorenzo Trillo kellu x-xutt minn barra l-kaxxa li għadda ċentimetri barra mil-lasti dfiżi mill-goalkeeper tal-Luċjani, Matthew Calleja Cremona.
L-azzjoni sussegwenti waslet biss fid-59 minuta meta Aleandro Garzia li kellu logħba mill-aqwa indirizza cross insidjuż għan-nofs iżda l-ebda player minn Jan Busuttil u Emiliano Callegari minn taħt il-lasta ma rnexxielhom jagħmlu kuntatt mal-ballun, li finalment intemm barra.
Huma komplew jattakkaw u fl-64 minuta Kemar Reid avvanza tajjeb, ġie wiċċ imb’ wiċċ ma’ Calleja Cremona li iżda salva tajjeb.
Santa Lucia wieġbu għall-ewwel darba fis-67 minuta u xutt ta’ Francisco Rodrigues Faria għadda għoli.
Iżda kienu Floriana li tilfu ċans tad-deheb li jiftħu l-iskor fil-75 minuta meta Jan Busuttil kellu xutt insidjużs kważi minn tarf il-kaxxa li ħareġ l-aħjar tal-goalkeeper tal-Luċjani, Matthaw Calleja Cremona, li dawwar f’corner b’mod spettakolari.
Huam komplew jattakkaw u żewġ minuti biss wara, wara li rċieva minn azzjoni ta’ corner, Owen Spiteri, żmarkat u b’daqqa ta’ ras minn taħt il-lasta tefa’ għoli.
Il-Greens rebħu penalty fil-81 minuta meta Diego Pacheco Franacarolli waqqa’ lill-player avverasarju fil-kaxxa. Mill-11-il metru nkariga ruħu OUALID EL HASNI li ma żbaljax, hekk kif permezz ta’ xutt fil-baxx tefa’ l-ballun fir-rokna tax-xibka.
Floriana: 33-Georgi Kitanov, 4-Oualid El Hasni, 8-Kemar Reid (72-Eden Herskovich 89), 10-Jose Ulise Arias (21-Carlo Zammit Lonardelli 89), 17-Owen Spiteri, 22-Kyrian Nwoko (5-Zachary Cassar 70), 24-Lorenzo De Grazia, 25-Lorenzo Trillo (9-Andrei Ciolacu 70), 28-Emiliano Callegari, 30-Jan Busuttil, 77-Aleandro Garzia (2-Adam Magri Overend 77) Coach: Gianluca Atzori
Santa Lucia: 1-Matthew Calleja Cremona, 3-Yoel Lorenzo Fonseca Soares, 6-Nicholas Pulis (11-Jan Tanti 69), 8-Robert Bairam (4-Michael Johnson 53), 9-Davidy Ayrton Valpoort Meghon, 10-Liam Ayad Blie Bi Bah (21-Jamie Carbone 88), 13-Diego Pacheco Francarolli, 14-Dexter Xuereb, 17-Jurgen Pisani, 20-Francisco Farias Rodrigues, 28-Zvi Jie (19-Reon Saito 53) Coach: Vincenzo Potenza
Referee: Slobodan Petrovic
Ass. Referees: Duncan Sultana, Mark Ciantar
Raba’ Uffiċjal: Alex Johnson
Skorers: O. El Hasni pen. 81 (F)
Ammoniti: R. Bairam, D. Xuereb, J. Pisani, F. R. Farias, M. Calleja Cremona (SL)
Player tal-Logħba: Matthew Calleja Cremona (SL)
