Il-media Ingliża qed tirrapporta li Gareth Southgate se jirriżenja minn coach nazzjonali tal-Ingilterra meta jintemmlu l-kuntratt f’Diċembru 2025.
Southgate mexxa wieħed mill-aktar perjodi ta’ suċċessi fl-istorja tal-football Ingliż fejn wassal lit-team sas-semi-finali tat-Tazza tad-Dinja fl-2018 u l-finali tal-Euro 2020 – li l-Ingilterra tilfet kontra l-Italja bl-għoti tal-penalties.
Madankollu, Southgate fadallu biss tournament wieħed ieħor fuq il-kuntratt attwali tiegħu, li jiskadi f’Diċembru tas-sena d-dieħla. U dan ifisser li huwa se jieqaf wara l-Euro 2024.
L-FA Ingliża qed tittama li tħajjar lill-coach Spanjol ta’ Manchester City, Pep Guardiola, biex ikun is-suċċessur tiegħu. Huwa jkun fadallu kuntratt ta’ sena oħra mas-City u għaldaqstant wieħed jistenna x’se tkun ir-reazzjoni ta’ Guardiola.
Il-coach Spanjol huwa meqjus bħala l-’ħolma’ tal-FA. U l-appoġġ pubbliku tiegħu għall-indipendenza ta’ Katalunja tista’ toħloq bosta ostakli biex jinħatar coach ta’ Spanja.
Għaldaqstant, l-FA Ingliża se tapprofitta minn din is-sitwazzjoni u se tagħmel dak kollu fil-poter tagħha biex tipperswadi lil dan il-coach ta’ 52 sena, biex imexxi lit-team nazzjonali Ingliż.
