Pepe Reina, il-goalkeeper veteran minn Spanja, li fl-aħħar żmien kien qed jilgħab ma’ Como, ħabbar li rtira mill-futbol professjonali. Matul il-karriera twila u ta’ suċċess tiegħu, Reina lagħab ma’ diversi klabbs ewlenin, fosthom Napoli, Milan u Lazio fl-Italja, kif ukoll Liverpool u Bayern Munich fost oħrajn.
Il-plejer Spanjol stqarr li jinsab sodisfatt b’dak kollu li rnexxielu jikseb matul is-snin, u saħaq li kien xortih tajba li kellu opportunità jilgħab ma’ xi wħud mill-klabbs l-aktar importanti fl-istorja tal-futbol Ewropew. Fi kliemu, il-karriera tiegħu kienet waħda mimlija esperjenzi sinifikanti u relazzjonijiet umani li jibqgħu miegħu għal dejjem.
Reina ddikjara li d-deċiżjoni li jirtira ttieħdet f’Jannar li għadda wara konversazzjoni mal-familja tiegħu.
