Żewġ persuni bħalissa qegħdin jiddaħlu l-Isptar Ġenerali t’Għawdex wara li ftit tal-ħin ilu (għall-ħabta tal-9.50pm) inqalbu bil-karozza u waqgħu madwar sular u nofs.
L-inċident seħħ fi Triq ta’ Marsalforn fejn kellhom jissejħu l-ħaddiema tal-Protezzjoni Ċivili biex il-persuni jinħarġu mill-vettura.
Sorsi qrib il-korp tal-Pulizija qalulna li l-persuni huma ta’ nazzjonalità Serba u kien b’miraklu li nħarġu ħajjin mill-vettura.
Huma ttieħdu l-Isptar b’ambulanza, u l-kundizzjoni tagħhom s’issa għadha mhix magħrufa.
Il-pulizija mill-Għassa tar-Rabat qegħdin jinvestigaw dan l-inċident.
