Il-President elett Joe Biden innomina lill-eks rival tiegħu Pete Buttigieg bħala segretarju għat-trasport. Dan hekk kif Biden qed ikompli bil-ħidma tiegħu qabel ma jidħol uffiċjalment fil-White House fil-ġimgħat li ġejjin.
Buttigieg se jkun ċentrali għall-amministrazzjoni ta’ Biden, li qed tippjana li tagħmel tibdil sinjifikanti fis-sistemi tat-trasportazzjoni bil-għan li jitnaqqsu l-emissjonijiet.
Buttigieg, ta’ 38 sena, se jkun ukoll l-ewwel persuna omoseswali li ddikjara dan fil-miftuħ li se jkun ikkonfermat mis-Senat għal rwol fil-Kabinet. L-eks-Sindku ta’ South Bend, Indiana, se jkun qed iżid dinamiċità żagħżugħa fl-amministrazzjoni l-ġdida li s’issa hija ddominata minn kapijiet b’għexieren ta’ snin ta’ esperjenza f’Washington.
F’kumment fuq twitter Biden qal li Buttigieg huwa patrijott u persuna li ssovi l-problemi li jirrappreżenta perfettament dak li aħna bħala pajjiż.”
Mayor @PeteButtigieg is a leader, patriot, and problem-solver. He speaks to the best of who we are as a nation.
— Joe Biden (@JoeBiden) December 16, 2020
I am nominating him for Secretary of Transportation because he’s equipped to take on the challenges at the intersection of jobs, infrastructure, equity, and climate.
