Il-kowċ ta’ Stoke City, Alex Neil, żvela li l-plejer veteran Phil Jagielka se jkun qed iġedded il-kuntratt tiegħu mal-klabb sal-aħħar ta’ dan l-istaġun. Il-plejer ta’ 40 sena kien se jispiċċalu l-ftehim tiegħu fl-aħħar ta’ dan ix-xahar iżda Neil irnexxielu jipperswadi lil Jagielka sabiex jibqa’ magħhom sa Ġunju.
Jagielka ilu ma’ Stoke sa minn Jannar li għadda fejn lagħab 33 partita u skorja gowl wieħed biss. Hu kellu wkoll dehriet ma’ Sheffield United, Derby County u Everton.
