Għalkemm ninsabu f’nofs Ġunju, Atletico Madrid diġa’ qed juru li se jkunu attivi fis-suq tat-trasferimenti, b’ħafna xnigħat dwar difensuri. Fost l-ismijiet, hemm Piero Hincapié, difensur ta’ 23 sena ta’ Bayer Leverkusen.
Hincapié għandu esperjenza tajba u jista’ jilgħab fuq ix-xellug jew bħala t-tielet difensur. Bayer rabtuh sal-2029, iżda jogħġob ħafna lill-kowċ tal-Colchoneros Diego Pablo Simeone. Atletico hija lesta tagħmel offerta ta’ 40 miljun ewro, sinjal li jridu jagħlqu malajr dan it-trasferiment importanti qabel ma jidħlu timijiet oħra.
