Il-manager ta’ Arsenal, Mikel Arteta kkonferma li Pierre-Emerick Aubameyang mhux se jiġi kkunsidrat għall-għażla għall-partita tal-Premier League tas-Sibt ma’ Leeds United.
Miżuri dixxiplinari l-ġimgħa l-oħra raw lill-player ta’ 32 sena jaqbeż l-aħħar żewġ logħbiet u jitneħħa minn captain ta’ Arsenal b’dan iqajjem mistoqsijiet fuq il-futur tiegħu.
Aubameyang issa se jitlef it-tielet partita suċċessiva minħabba dawn il-konsegwenzi, iżda Arteta jemmen li huwa għamel id-deċiżjoni t-tajba fit-teħid tal-faxxa ta’ captain lill-internazzjonali mill-Gabon.
“Le, hu mhuwiex disponibbli għall-għażla,” qal Arteta.
“Kull darba li inti qiegħed hawn, għandek xi sfidi. Għandek xi mumenti brillanti u xi mumenti meta jkollok tieħu deċiżjonijiet.”
“Qiegħed hawn biex nipprova nagħmel id-deċiżjonijiet it-tajba kuljum. L-unika intenzjoni tiegħi hija li l-club ikun fl-aqwa kundizzjoni possibbli, biex niddefendi lill-players tagħna u niksbu l-aħjar riżultati possibbli fil-ground li nistgħu.
“Kienet deċiżjoni ta’ sfida minħabba li dawk id-deċiżjonijiet huma iebsa u mhux pjaċevoli, iżda inti għandek tagħmel dak li tħoss li huwa dritt għalik.”
Arsenal rebħu l-aħħar żewġ logħbiet tagħhom, u telgħu fir-raba’ post tal-klassifika tal-Premier League.
