Juventus qed ifittxu li jsaħħu nofs il-grawnd issa li se jkollhom żewġ plejers barra minħabba sospensjoni iġifieri Paul Pogba u Nicolo Fagioli. L-objettiv ewlieni tal-Bianconeri hu Pierre-Emile Hojbjerg, plejer ta’ nofs il-grawnd Daniż li bħalissa hu reġistrat fuq il-kotba ta’ Tottenham Hotspur.
Dan il-plejer għadu qatt ma lagħab mal-ewwel ħdax tal-kowċ Ante Postecoglou biċ-ċansijiet tiegħu li jagħmilha fl-iskwadra ewlenija qed dejjem isiru minimi.
Sadanittant, Juventus bagħtu xi osservaturi f’Copenhagen sabiex jassistu għal-logħba bejn Danimarka u Kazakhstan mirbuħa minn tal-ewwel bl-iskor ta’ 3-1. Hojbjerg lagħab f’din il-logħba bl-osservaturi jieħdu n-notamenti kollha meħtieġa.
